من التراث الشعبي في ليبيا

من طرف شهد 2005 الأربعاء ديسمبر 03, 2008 4:07 pm

من التراث الشعبي في ليبيا

السلام عليكم ورحمة الله وبركاته

قالك ثلاثة مربوطات بثلاثة
الشهامة مربوطة بالرجال ..الرجال قعدو والشهامة طارت
الحياء مربوط بالنساء... النساء قعدن والحياء طار
المطر مربوطة بالبركة...المطر قعدت والبركة طارت

قالو ثلاثة ماتاخذهن نين تنشد عليهن...وثلاثة مااتريح نين تفتك منهن... وثلاثة كان بطن(تاخرن) غابت طعمتهن
الثلاثة الي ماتاخذهن نين تنشدن عليهن العسل واللبن والولية(المرأة)
والثلاثة الي مااتريح نين تفتك منهن السوسة والدين والرفيق العطيب
والثلاثة الي كان بطن (تاخرن) غابت طعمتهم العزومة والتعزية وصلاة المغرب

ثلاثة يجيرك الله منهم ...وثلاثة راك اترافقهم ...وثلاثة راك تصننتلهم(تسمع منهم) ... وثلاثة راك تصبح(تلاقيهم في الصبح) فيهم ...وثلاثة راك تهلب(ماتاخذش )رايهم
الثلاثة الي يجيرك الله منهم ...ولد الحرام وقطاع الارحام ووكال رزق الايتام
والثلاثة الي راك ترافقهم ... الهبل والعطيب وقليل المروءة
والثلاثة الي راك تصنتلهم ...الفتان والكذاب وشاهد الزور
والثلاثة الي راك تصبح فيهم ...الاشكل والمعيان وغضيب الوالدين
والثلاثة الي راك تهلب رايهم...صلاي الاوقات وطعّام العيش ورضي الوالدين

قالو ستة خير من سته والستة مافيهنش خير
العافية بلا صلاة المرض خير منها والمرض مافيهش خير
المال بلا زكاة الفقر خير منه والفقر مافيهش خير
والقبيلة الظالمة الغربة خير منها والغربة مافيهاش خير
والزوجة النكدية العزوبية خير منها والعزوبية مافيهاش خير
والضنوة العطيبة العقر(العقم) خير منها والعقر مافيش خير
والجار القبيح الوحدية (الوحدة)خير منه والوحدية مافيهاش خير

من طرف المهاجر الخميس ديسمبر 04, 2008 3:45 pm

تسلميييييييييييييييييييييييييييييييي لوبيدي احطك استاذة النت ماشاء اللة [center]

من طرف فارس الاحلام الخميس ديسمبر 04, 2008 4:00 pm

من طرف شهد 2005 الخميس ديسمبر 04, 2008 10:45 pm

من طرف ???? الأربعاء ديسمبر 10, 2008 9:28 pm

من التراث الشعبي في ليبيا

من التراث الشعبي في ليبيا

ماشا اللة عليك

تسلمي علي المعلومه المفيده

مشكورين

رد: من التراث الشعبي في ليبيا