يـالليـلة العيــــــــد

ياليــــله العيـد فيـــــك الانـس بـادي والفـرح
على كل حاضر وانـا مهموم والقلب انجـرح



تذكرت خلان في الغرفة عندهم الماطر طرح
خذ لهم يارسولي رسالـه في البـــكـره سـرح



الى بــلده بها اهلي لهم عذري القاهر شـرح
قل لهم حنبان سالـم في بير كلين منها نـزح



الارض ماحسنـــهـا واهلهـا مافيـــــهـم مشـح
غيــر حب الوطن وزنــــه فـي الكفـه رجـــــح



مـالت يميني لليمن وشعري لها دائـــــم مـدح
ارضها لي مفخره ولساني مع الشادي صدح



ماحد في الغربه منعم لاتصدقون قول الجلــح
كل من كذب بايعذبونـه فــــي يــــــــوم اللفـح



والختم عسى يارب تجمعني ياعظيم المنــــح
فــي وادي العجل بخامر الجعد ريحـه نفـــــح



قربه دواء وكفـه اذا هو على راسـي مســــح
ينسيني هم المغترب ومن العلل الجسم صــح
وصلوا على الهادي والــه عد ما فالـح فلـــح
والصحب والتابــعين لي بهم الديـن اتضــــح