كلمة ســـلام .. وصــباح الخير كـثرها ..!

كلمة ســـلام .. وصــباح الخير كـثرها ..!
السلاااااااااااام عليكم ورحمة الله وباركاته

كلمة سلام.. وصباح الخيـر كثرهـا
ترى لها وقعها في نفـس مجنونـك

ودي تروووح وتجي .. حتى تكررها
ماامل منها ولامن مشاهـد اعيونـك

عيونك اللي قلوب النـاس تأسرهـا
من شافها تفتنـه ويصيـر مفتونـك

موتي وانا حي يستوطـن محاجرهـا
مابيني وبينـه الا غمضـة جفونـك

جابتك لي صدفة ٍ مدري وش آخرها
وانا تركت الجميع وقلـت ممنونـك

سلمتـك الـروح تنهاهـا وتامرهـا
ياللي أخوانك على زينك يحسدونـك

لك صورة ٍ برهنت عظمة مصورها
عجزت اوصفك واتخيلـك وشلونـك

لـك هيبـة ٍ ماتخلينـي اناظـرهـا
ارفع لك الشوف مير يطيح من دونك

ابطيت وانا المشاعر عنـك ساترهـا
وانته تبختر وتاخذني علـى هونـك

واليوم جتك المشاعر هي وشاعرهـا
متقاسمين الوجل .. وشلون يرضونك

كلي امل ماتجي مكسـور خاطرهـا
وانا اوعدك ماتخونك فيـه اظـنونـك

والا اعتذر وارفض الاشواق وانكرها
وارتح .. وخله يزود هبال مجنونـك